ෆූජියාමා පේ‍්‍රමයක් ළඟ සකුරා මල් ඇවිලෙන හැටී

වසාගෙන ගිනි දල්ල අහසට   හිනා වෙන ගිනි කන්දක් 

මකාගෙන දුක බලා උන්නම   උඹ දකියි හිම කන්දක් 

සකුරා මල් හිතවතිය තවමත් දුරය නුඹ ගවු ගණනක් 

නැවත එන වග කියූ සුළඟත්  මුසාවක් කියු ඇත්තක් 

දුරින් ඉඳගෙන හොරෙන් බැලූවම  හිම තුහින මහ වැස්සක් 

ඇසින් ඇස දැක ඔහේ උන්නම  උඹ දකියි එක පැත්තක් 

හිතෙන් හිත බැඳ ළඟින් උන් දින හීනයත් මල් වත්තක් 

සිතෙන් විඳගෙන විතෙන් පෙවුනම ජීවිතේ මහ තිත්තක් 

ඉරත් උන්නේ දවා ගිරි හිස    ගෙවෙනකන් තුන් වරුවක් 

දිනක් එන්නෙනම් හිමෙන් ගිනි 
  නිවනු හැකිවන දවසක් 

වසන් වෙන්නේ දිනක් ඉල්ලූ    හිතවතියකගේ කඳුළක්

මමත් ඉන්නේ උදාවන තුරු  
 මළවුන්ට අවුරුද්දක්